ମଣ୍ଡଳ, ସୂକ୍ତ ଓ ମନ୍ତ୍ର ସଂଖ୍ୟା
୧. ଋଗ୍ ବେଦ : - ଏହି ବେଦରେ ୧୦ ମଣ୍ଡଳ, ୬୪ ଅଧ୍ୟାୟ, ୧୦୨୮ ସୂକ୍ତ ତଥା ୧୦,୫୫୨ ମନ୍ତ୍ର ରହିଛି।
୨. ଯଜୁର୍ବେଦ : - ଏହାର ଦୁଇଟି ଭାଗ ଅଛି। ଗୋଟିଏ ହେଲା ଶୁକ୍ଳ ଯଜୁର୍ବେଦ ଅନ୍ୟଟି କୃଷ୍ଣ ଯଜୁର୍ବେଦ। ଏଥିରେ ରହିଛି ୪୦ ଅଧ୍ୟାୟ, ୩୦୩ ଅନୁବାକ୍ ତଥା ୧୯୭୫ କଣ୍ଡିକା ବା ମନ୍ତ୍ର।
୩. ସାମ ବେଦ : - ଏଥିରେ ୧୮୭୫ ମନ୍ତ୍ର ଅଛି। କିନ୍ତୁ ନୂଆ ମନ୍ତ୍ର କେବଳ ୭୫ ଟି। ବାକି ସବୁ ମନ୍ତ୍ର ଋଗ୍ ବେଦରୁ ନିଆଯାଇଛି।
୪. ଅଥର୍ବ ବେଦ : - ଏଥିରେ ୨୦ କାଣ୍ଡ, ୭୩୧ ସୂକ୍ତ ତଥା ୫୯୭୭ ମନ୍ତ୍ର ଅଛି। ସମସ୍ତ ବେଦମନ୍ତ୍ର ସହିତ ୠଷି, ଦେବତା ତଥା ଛନ୍ଦର ଉଲ୍ଲେଖ ରହିଛି।
ଋଷି - ସେହି ମନ୍ତ୍ରର ଦ୍ରଷ୍ଟା
ଦେବତା - ସେହି ମନ୍ତ୍ରରେ ପ୍ରତିପାଦ୍ୟ ବିଷୟ
ଛନ୍ଦ - ସେହି ମନ୍ତ୍ରର ଅକ୍ଷର ଏବଂ ସ୍ୱର ରଚନାକୁ ଇଙ୍ଗିତ କରିଥାଏ।
ବେଦଗୁଡ଼ିକର ଦ୍ରଷ୍ଟା ଋଷି - ବେଦର ମନ୍ତ୍ର ଦ୍ରଷ୍ଟା ଋଷି ଅନେକ ଅଛନ୍ତି। ଏଥିରେ ପୁରୁଷ ଓ ମହିଳା ଉଭୟ ଅଛନ୍ତି। ପାଖା ପାଖି ୩୦୦ ରୁ ଅଧିକ ଋଷିଙ୍କ ନାମ ଏଥିରେ ରହିଛି। ପ୍ରମୁଖ ପୁରୁଷ ମନ୍ତ୍ରଦ୍ରଷ୍ଟା ଋଷିମାନଙ୍କ ନାମ ହେଲା - ବଶିଷ୍ଠ, ବିଶ୍ଵାମିତ୍ର, ଅତ୍ରୀ, ଅଙ୍ଗିରା, ଭୃଗୁ, ଭରଦ୍ୱାଜ, ବାମଦେବ, କଶ୍ୟପ, ନାରଦ, ମନୁ, ଗୃତ୍ସମଦ, ଦୀର୍ଘତମସ୍, ଵୈବଶ୍ବେତ ମନୁ, ଶିବି, ଔଶୀନର, ପ୍ରତର୍ଦ୍ଦନ, ମଧୁଛନ୍ଦା, ଦେବାପି ମେଘାତିଥି, ଶୁନଃଶେପ, କଣ୍ୱ, ଗୌତମ, କତ୍ସ, କୁକ୍ଷିବାନ୍..ଆଦି।
ମହିଳା ମନ୍ତ୍ରଦ୍ରଷ୍ଟା - ଶ୍ରଦ୍ଧା, ରୋମଶା, ଲୋପାମୁଦ୍ରା, ବିଶ୍ୱବାରା, ଅପାଲା, ଘୋଷା, ଯମୀ, ଇନ୍ଦ୍ରାଣୀ, ଉର୍ବଶୀ, ଦିକ୍ଷିଣା, ସୂର୍ଯ୍ୟା ଆଦି।
୧୮.୧୦.୧୯
No comments:
Post a Comment