ପାଠ ତତେ ଏଇଆ ଶିଖେଇଲା ? ଏଇଥିପାଇଁ ତତେ ଏତେ ପଇସା ଖର୍ଚ୍ଚ କରି ପାଠ ପଢ଼ାଇ ଥିଲି ? ତୁ ଶିଖିଲୁ ଯୋଉ ଡାଳରେ ଚଢ଼ିଥିବୁ ସେଇ ଡାଳକୁ କୁରାଢ଼ିରେ ହାଣିବୁ, ଏଇଆ ? ଏତେ ସମ୍ପତ୍ତି କେମିତି ସମ୍ଭାଳିବୁ ? ଲୋକଙ୍କୁ କେମିତି ଜିତିବୁ ? ଏଣେ ସିନା ଧ୍ୟାନ ଦିଅନ୍ତୁ, କଣ ନା ଠିକ୍ ଓଲଟା ?
ଯାହାଙ୍କ ଛାଇ ପଡ଼ିଲେ ଲୋକ ଦୂରେଇ ରହେ, ତୁ ଯାଇ ତାଙ୍କରି ସଙ୍ଗେ ମିଶୁଛୁ। ସାନ ସାନ ଲୋକଗୁଡ଼ାଙ୍କ ଆଗରେ ବଡ଼ ବଡ଼ କଥା କହୁଚୁ, ତାଙ୍କ ମୁଣ୍ଡରେ ବୁଦ୍ଧି ପୂରାଇବା କଥା, ସେ ଯାହା ଟିକେ ଚପି ଚାପି ଥିଲେ ଆହୁରି ଅଧିକ ମାତିବେ, ବେମହତିଆ ହେବେ, ତୋ ପାଇଁ ମୋ ସମ୍ପତ୍ତି ସବୁ ଉଜୁଡ଼ି ଯିବ, କିଛି ରହିବ ନାହିଁ।
ଆରେ ଜମି ତ ମୋର, ସେଥିରେ ତାଙ୍କର କି ଅଧିକାର ଅଛି ? ଆମେ ଯେମିତି ବି ଚାଷ କଲେ ଲାଭ ମିଳିବ। ମଣିଷ ଆପଣା ସମ୍ପତ୍ତି କଥା ନିଜେ ବୁଝେ ନା ଭୂତକୁ ଖୁଆଏ ??
୩୧.୩.୧୯
No comments:
Post a Comment