ମୁସଲମାନଙ୍କ କୁଳାଚାରରେ ଚାରିଗୋଟି ସ୍ତ୍ରୀ ବିବାହ କରିବାର ନିର୍ଦେଶ ଥିବା ସମସ୍ତେ ଜାଣନ୍ତି। ଏ ସମ୍ପର୍କରେ ବାଦାଉନି କିନ୍ତୁ ଯେଉଁ ଭାଷ୍ୟ ଲେଖିଛନ୍ତି ତାହା ଅନେକ ଜାଣି ନ ଥିବେ। ସେଥିରେ କୁହାଯାଇଛି - ଚାରିଗୋଟି ସ୍ତ୍ରୀ ମଧ୍ୟରୁ ହିନ୍ଦୁସ୍ଥାନୀ ସ୍ତ୍ରୀଟି ଆବଶ୍ୟକ ସନ୍ତାନ ସନ୍ତତିଙ୍କ ଲାଳନ ପାଇଁ, ଖୀରସ୍ଥାନୀ ସ୍ତ୍ରୀଟିର ଦାୟିତ୍ୱ ଘରଧନ୍ଦା ବୁଝିବା ପାଇଁ, ଇରାନୀ ସ୍ତ୍ରୀଟି ଲୋଡ଼ା ପ୍ରେମାଳାପ ଓ ସାହଚର୍ଯ୍ୟ ପାଇଁ, ଆଉ ଓକ୍ ସିଆନା ଦେଶର ସ୍ତ୍ରୀଟିର ପ୍ରୟୋଜନ ଅନ୍ୟ ତିନିଜଣ ସପତ୍ନୀଙ୍କୁ ଚାବୁକରେ ପିଟି ପରିବାରର ଶାନ୍ତି ରକ୍ଷା ପାଇଁ। ଏ ସବୁ ଦୃଷ୍ଟିରୁ ଦେଖିଲେ ତକୀ ଖାଁଙ୍କ ଲାଲବାଗ ଓ ବାରବାଟୀ ହାରେମରେ ବେଗମ ମାନଙ୍କ ସଂଖ୍ୟା ଥିଲା ମୋଟ ୩୬୫।
ଜୁଲିଫିକର ଯେଉଁ ବିଧବା ରମଣୀଙ୍କ ପାଣି ଗ୍ରହଣ କରିଥିଲା, ସେ ଜୁଲିଫିକରଙ୍କ ଠାରୁ ବୟସରେ ସାତ ବର୍ଷ ବଡ଼ ଥିଲା। ଜୁଲିଫିକରଙ୍କ ସମୟରେ ଆଠ ପତ୍ନୀ ଗ୍ରହଣ କରିଥିବା ମୌଲବୀ ମଧ୍ୟ ଥିଲେ।
ପ୍ରବଳ ପ୍ରତାପୀ ତକୀ ଖାଁ ଜୁଲିଫିକରକୁ ଭୟ କରୁଥିଲା। କାରଣ ମୁର୍ଶିଦାବାଦ ଠାରୁ ଦିଲ୍ଲୀ ସାହାଜାହାନାବାଦ ପର୍ଯ୍ୟନ୍ତ ତାର ପ୍ରଭାବଶାଳୀ ରାଜନୈତିକ ସମ୍ପର୍କ ଥିଲା। ନୈଷ୍ଠିକ ଧର୍ମାନ୍ଧତା ପାଇଁ ସେ ପ୍ରସିଦ୍ଧ ଥିଲା। ଖୋର୍ଦ୍ଧା ଉପରେ ଅବିଳମ୍ବେ ଆକ୍ରମଣ ପାଇଁ ସେ ତକୀ ଖାଁକୁ ଆଦେଶ ଦେଲା। ତକୀ ଖାଁ ଯୋଜନା କଲା ଇଦ ଉଲ ଫିତର ଦିନ ହାଫିଜ କାଦର ବେଗକୁ କଟକ ଡକାଇବ ଏବଂ ସେଇଠି ତାଙ୍କୁ ଗିରଫ କରିବ।
କ୍ରମଶଃ...
୨୦.୧୨.୧୮
No comments:
Post a Comment