ତକୀ ଖାଁ ଚିନ୍ତା କରୁଥିଲା କିପରି ରାମଚନ୍ଦ୍ରଦେଵଙ୍କୁ ବନ୍ଦୀ କରିବ। ତେଣୁ ସେ ଖୋଜାର ଖବରକୁ ଅପେକ୍ଷା କରିଥାଏ।
ଫୌଜଦାରର ଅପଦାର୍ଥତା ପାଇଁ ମୋଗଲ ଇଜ୍ଜତ ଲୁଟ ହେଲା। ଅପଦାର୍ଥତାର କାରଣ ଅବିଶ୍ୱାସ। ସେ ସମୟରେ ମୋଗଲ ଅଧିକାରୀମାନେ ଅନ୍ୟମାନଙ୍କୁ ବିଶ୍ୱାସ କରିବା ତ ଦୂରର କଥା, ନିଜ ଛାଇଟିକୁ ମଧ୍ୟ ବିଶ୍ୱାସ କରୁ ନଥିଲେ।
ଫୌଜଦାର ଠାରୁ ସୋଲରୀ ଘାଟୀର ଆକ୍ରମଣର ବିବରଣୀରୁ ସିଦ୍ଧ ହେଲା ଯେ ଏ ସବୁ କାଣ୍ଡ କରିଛି ହାଫିଜ କାଦର। ଏତିକିବେଳେ ଖୋଜା ଆସି ଖବର ଦେଲା - ରାମଚନ୍ଦ୍ରଦେଵ କୁଆଡ଼େ ଉଭାନ।
ତକୀ ଖାଁ - ସାହଜାଦୀର ଚିଡ଼ିଆ ?
ଖୋଜା - ଖୋର୍ଦ୍ଧା ରାଜା ପିଞ୍ଜୁରୀ ଫିଟାଇ ଉଡ଼ାଇ ଦେଲା।
ସାହାଜାଦୀଙ୍କ ଚିଡ଼ିଆକୁ ହାଫିଜ କାଦର ଖାଲି ଯେପରି ଉଡ଼ାଇ ଦେଲା ତାହା ନୁହେଁ; ବୃଦ୍ଧାଙ୍ଗୁଷ୍ଠୀ ଦେଖାଇ ନାଏବ ନାଜିମ ତକୀ ଖାଁର ଆଧିପତ୍ୟକୁ ମଧ୍ୟ ଘୋର ତାଛଲ୍ୟରେ ରାମଚନ୍ଦ୍ରଦେଵ ଉଡ଼ାଇ ଦେଲା।
ତକୀ ଖାଁ ଜ୍ଞାନ ଶୂନ୍ୟ ହୋଇ କହିଲା ...
ଫୌଜ .. ଖୋର୍ଦ୍ଧା କୁଚ କରୋ
ଖୋର୍ଦ୍ଧା କୁଚ କରିବାପାଇଁ ତକୀ ଖାଁ ପରମ ବିକ୍ରମରେ ଅର୍ଦ୍ଧ ଚନ୍ଦ୍ର ଲାଂଛିତ ପତାକା ଉଡ଼ାଇ ଆସୁଥିବା ରାମଚନ୍ଦ୍ରଦେଵ ଲକ୍ଷ୍ୟ କରୁଥିଲେ।
କ୍ରମଶଃ...
No comments:
Post a Comment