ଖୋର୍ଦ୍ଧା ଉପରେ ପୁଣି ମୋଗଲଗୋଳ ଲାଗିବା ଆଶଙ୍କାରେ ସମସ୍ତେ ଆତଙ୍କିତ ହୋଇ ଉଠିଲେ।
ଘରେ ଘରେ ପୁଣି ନିଆଁ ଲାଗିବ। ଗାଁକୁ ଗାଁ ପଦା କରି ଲୋକେ ପ୍ରାଣ ବିକଳରେ ଆତ୍ମରକ୍ଷା ପାଇଁ ଅରଣ୍ୟ ଭିତରକୁ ଧାଇଁବେ। ଯେଉଁମାନେ ପଳାଇ ନ ପାରିବେ, ସେମାନଙ୍କ ମାନ ମହତ ଯିବ। ଅତୀତର ବହୁ ଭୟଙ୍କର ସ୍ମୃତି ଗୋଟି ଗୋଟିକରି ଖୋର୍ଦ୍ଧା ଲୋକଙ୍କ ଆଖି ଆଗରେ ଭାସି ଉଠିଲା। ସବୁ ଆଡ଼େ ପୁଣି ତ୍ରାହି ତ୍ରାହି ରବ ପଡ଼ିଗଲା।
କିନ୍ତୁ ଏ ସବୁ ଆତଙ୍କ ଓ ଆଶଙ୍କା ମଧ୍ୟରେ ଖୋର୍ଦ୍ଧାରେ କେହି ଯଦି ବେପରୁଆ ଥିଲେ ତେବେ ସେ ହେଉଛନ୍ତି ରାମଚନ୍ଦ୍ର ଦେବ।
ଏ ସବୁ ଚାଲିଥିବା ବେଳେ କଟକ ଲାଲବାଗରୁ ଛାମୁଙ୍କୁ ଭେଟିବାକୁ ଜଣେ ଖୋଜା ଆସି ପହଞ୍ଚିଲା ଖୋର୍ଦ୍ଧାରେ। ରାମଚନ୍ଦ୍ର ଦେବ ନିଜ ଛାତି ତଳେ ଦୁକ୍ ଦୁକିର ସ୍ପନ୍ଦନ ଶୁଣିପାରିଲେ। ଖୋଜା ରାମଚନ୍ଦ୍ର ଦେବଙ୍କୁ ଦେଖାକରି କହିଲା, "ସାହାଜାଦୀ ରିଜିଆ ବେଗମ ଏ ଟିଆଟିକୁ ଆପଣଙ୍କ ପାଖକୁ ପଠାଇ କହିଛନ୍ତି ଯେ ଆପଣ ଶୀଘ୍ର କଟକ ଚାଲନ୍ତୁ।"
କ୍ରମଶଃ...
୨୬.୧୨.୧୮
No comments:
Post a Comment