କେଜାଣି ଏ ଟିଆ ପକ୍ଷୀଟି ହାଫିଜ କାଦର ଓ ରିଜିଆ ମଧ୍ୟରେ ମୋହବତର କେଉଁ ଗୋପନୀୟ ରହସ୍ୟମୟ ସଂକେତ ! ଚିଠିଠାରୁ ଏ ସଂକେତ ଯେ ଆଉରି ସମ୍ବେଦନଶୀଳ ଓ ଶକ୍ତିଶାଳୀ ହୋଇପାରେ, ସେଥିରେ କିନ୍ତୁ ତକୀ ଖାଁର ସନ୍ଦେହ ନ ଥିଲା। ଗୋଟିଏ ଜଟିଳ ସମସ୍ୟାର ସମାଧାନ ଏପରି ସହଜ ଭାବରେ ହୋଇପାରିବ ବୋଲି ତକୀ ଖାଁର ଧାରଣା ନ ଥିଲା। ଇଦ ପର୍ବରେ ରାମଚନ୍ଦ୍ର ଦେବ ତକୀ ଖାଁ ର ଭେଟକୁ ଯାଇ ନ ଥିଲେ। ସେଥିପାଇଁ ତକୀ ଖାଁ ଦାନ୍ତ କଡ଼ ମଡ଼ କରି ରହିଥିଲା।
ତା ଉପରେ ପୁଣି ଖୋର୍ଦ୍ଧା ରାଜ୍ୟ ଭିତରେ ପେସ କସ ଟଙ୍କା ରାହାଜାନିରେ ଗଲା। ଲୋଧି ମିଆଁ ସ୍ପଷ୍ଟ ହୋଇ ସାରିଲାଣି ଯେ ଏ ଲୋକସାନି ପାଇଁ କୈଫୟତ ଖୋର୍ଦ୍ଧା ରାଜାଙ୍କୁ ଦେବାକୁ ହେବ। ଝଡ଼ ଆସିବା ପୂର୍ବରୁ ପକ୍ଷୀ କୁଳ ତାହାର ସଙ୍କେତ ବୁଝି ନୀଡ଼ କୋଣରେ ହଠାତ୍ ନୀରବ ହୋଇ ପଡ଼ିବା ପରି ଖୋର୍ଦ୍ଧାବାସୀଙ୍କ ଅବଚେତନ ଅନାଗତ ଅମଙ୍ଗଳର ଆଶଙ୍କାରେ ଆଶଙ୍କିତ ହୋଇ ଉଠିଥିଲା।
କ୍ରମଶଃ...
୨୫.୧୨.୧୮
No comments:
Post a Comment