*ବିଜୟର ଆଧାର*

ଶୌର୍ଯ୍ୟ, ଶକ୍ତି ତଥା ନୀତି - ବିଜୟର ଆଧାର।
ରାଷ୍ଟ୍ରର କଲ୍ୟାଣ ପାଇଁ ଶକ୍ତି, ଶୌର୍ଯ୍ୟ ଏବଂ ନୀତି ଆବଶ୍ୟକ। ଭଗବାନ ମନୁଙ୍କ କଥା ଅନୁସାରେ କୌଣସି ପ୍ରକାର ଆହ୍ୱାନର ସମ୍ମୁଖୀନ ହେବା ପାଇଁ ସାମର୍ଥ୍ୟଶାଳୀ ରାଷ୍ଟ୍ର ଅସ୍ତ୍ର ଶସ୍ତ୍ର ସହ ସର୍ବଦା ପ୍ରସ୍ତୁତ ରହିବା ଉଚିତ। ସୈନ୍ୟ ଶିକ୍ଷାର ନିତ୍ୟ ଅଭ୍ୟାସ ହେବା ଆବଶ୍ୟକ। ସମୟ ସମୟରେ ନିଜ ଶୌର୍ଯ୍ୟ ଓ ପରାକ୍ରମର ପ୍ରଦର୍ଶନ ହେବା ଉଚିତ।

ମାର୍କଣ୍ଡେୟ ପୁରାଣ ଅନ୍ତର୍ଗତ ଦୁର୍ଗା ସପ୍ତଶତୀରେ ଋଷି ବରଦାୟିନୀ, ଶତ୍ରୁବିନାଶିନୀ ଶକ୍ତିର ଅଧିଷ୍ଠାତ୍ରୀ ଦେବୀ ମା' ଦୁର୍ଗାଙ୍କୁ ପ୍ରାର୍ଥନା କରୁଛନ୍ତି -

ହେ ମାତା ! ଆପଣ ଶତ୍ରୁମାନଙ୍କୁ ବିନାଶ କରି ସମସ୍ତ ତ୍ରିଲୋକକୁ ରକ୍ଷା କରିଛନ୍ତି। ସେହି ଶତ୍ରୁମାନଙ୍କୁ ହତ୍ୟାକରି ଆପଣ ସ୍ୱର୍ଗଲୋକରେ ପହଞ୍ଚାଇ ଦେଇଛନ୍ତି ତଥା ଉନ୍ମତ୍ତ ଦୈତ୍ୟଙ୍କ ଭୟରୁ ଆମକୁ ମୁକ୍ତି ଦେଇଛନ୍ତି। ଆପଣଙ୍କୁ ନମସ୍କାର।

ହେ ଦେବୀ !
ଶୂଳ ଦ୍ୱାରା ଆମର ରକ୍ଷା କରନ୍ତୁ।
ହେ ଅମ୍ବିକେ !
ଖଡ୍ଗ ଦ୍ୱାରା ତଥା ଧ୍ୱନି ଓ ଧନୁର ଟଙ୍କାର ଦ୍ୱାରା ଆମର ରକ୍ଷା କରନ୍ତୁ।
ହେ ଚଣ୍ଡିକେ ! ପୂର୍ବ ପଶ୍ଚିମ ଓ ଦକ୍ଷିଣ ଦିଗରୁ ଆମକୁ ରକ୍ଷା କରନ୍ତୁ । ତ୍ରିଶୂଳ ବୁଲାଇ ଆପଣ ଆମକୁ ଉତ୍ତର ଦିଗରୁ ମଧ୍ୟ ରକ୍ଷା କରନ୍ତୁ। ତିନି ଲୋକରେ ଆପଣଙ୍କର ଯେଉଁ ପରମ ସୁନ୍ଦର ଓ ଅତ୍ୟନ୍ତ ଭୟଙ୍କର ରୂପ ବିଚରିତ ହୋଇଛି, ତା ଦ୍ୱାରା ଆପଣ ଆମକୁ ତଥା ଏଇ ଭୁଲୋକକୁ ରକ୍ଷା କରନ୍ତୁ।
ହେ ଅମ୍ବିକେ ! ଆପଣଙ୍କ କର ପଲ୍ଲବରେ ଶୋଭା ପାଉଥିବା ଖଡ୍ଗ, ଶୂଳ ଓ ଗଦା ଆଦି ଯେଉଁ ସବୁ ଅସ୍ତ୍ର ଅଛି ସେ ସବୁ ଅସ୍ତ୍ର ଦ୍ୱାରା ଆପଣ ସବୁ ଦିଗରୁ ଆମକୁ ରକ୍ଷା କରନ୍ତୁ।

"ଶୂଳେନ ପାହିନୋ ଦେବୀ
ପାହି ଖଡ଼ଗେନ ଚାମ୍ବିକେ।
ଘଣ୍ଟାସ୍ୱନେନ ନଃ ପାହି
ଚାପଜ୍ୟାନିଃ ସ୍ୱନେନ ଚ।।"

କ୍ରମଶଃ...

୨୮. ୭